АИТВ/ЖИТС туралы

АИТВ – ағзаны әр түрлі жұқпалардан қорғауды қамтамасыз ететін иммундық жүйенің бұзылуына әкелетін адамның иммунотапшылығының вирусы.

ЖИТС – жұқтырылған иммунотапшылығының синдромы, АИТВ-жұқпасының соңғы сатысы. Вирус адамның иммундық жүйесін бұзуына байланысты ағза жұқпалардың әртүрлі қоздырғыштарымен күресу қабілетін жоғалтады.

Берілу  жолдары:

- АИТВ-жұқтырған адаммен мүшеқапсыз жыныстық қатынасқа түскенде;

- жұқтырылған қан немесе оның өнімдерін құйғанда;

- бірлесіп инелер мен шприцтер пайдаланғанда;

- құралдарды АИТВ-жұқпасы қауіпі бар жағдайларда пайдаланғанда(денені әшекейлеуге, пирсингке, тіс емдеуге арналған залалсындандырылмаған жабдық-құралдар, сондай-ақ қырынуға арналған құралдар);

- анадан балаға (жүктілік, босану және емізу кезінде).

АИТВ берілмейді:

- Қол алысқан кезде;

- Сүйескен, құшақтасқан кезде;

- бірлесіп тамақтанған кезде;

- бірлесіп ыдысты және басқа да тұрмыстық заттарды пайдаланған кезде;

- бірлесіп кітаптар, қаламдар және басқа да күнделікті заттарды пайдаланған кезде;

- жалпы бассейн мен дәретхана пайдаланған кезде;

- масалар және кенелер шаққан кезде;

- жөтелу және түшкіру кезінде.

АИТВ-ті мына жағдайларда анықтауға болады:

Адамның жұқтырылғанын анықтау үшін жалғыз тәсіл ғана - бұл АИТВ-ға қанды талдау.

Оң нәтижелі қорытынды болса - адамда АИТВ-ға қарсы денелер анықталғанын білдіреді. Бұл адам АИТВ-жұқтырылған деп есептелінеді.

Теріс нәтижелі қорытынды болса - АИТВ-ға қарсы денелер анықталмағанын білдіреді. Тест теріс нәтижелі болады, егер:

- адам жұқтырылмаған;

- адам жұқтырылған, бірақ ағзада әле де қарсы денелердің мөлшері жеткіліксіз болып «терезе кезеңі» жағдайында.  

АИТВ-тің алдын алу:

АИТВ-жұқтырған адаммен жыныстық қатынасқа түскенде жұқтырудын алдын алу жалғыз тәсілі -бұл мүшеқапты пайдалану.

Есірткі тұтынатын адамдарда АИТВ-тің алдын алу жалғыз тәсілі -бұл құмарлықтан емделу және жеке инелер мен шприцтерді пайдалану. АИТВ оң нәтижелі ата-аналардан туатын болашақ балада АИТВ-жұқпасының алдын алу тәсілі- бұл жүктілік кезінде вирусқа қарсы препараттарды қабылдау, омырау емізуден бас тарту.

Медициналық манипуляциялар жасаған кезде алдын алу жалғыз тәсілі- бұл инъекцияға арналған бір реттік құралдарды пайдалану.