«ЗАҢ МЕН ТӘРТІП» — ЖАСТАР НАЗАРЫНДА

Жастардың құқықтық сауаты мен жауапкершілігі — қауіпсіз әрі тұрақты қоғамның маңызды негіздерінің бірі. Осы бағытта Абай облысы ББ «Бизнес және сервис жоғары колледжі» КМҚК-да «Заң мен тәртіп» тақырыбында жастармен диалог алаңы өтті.

Кездесу барысында жастардың құқықтық мәдениетін арттыру, заң талаптарын сақтау, жауапты азаматтық ұстанымды қалыптастыру, сондай-ақ девиантты мінез-құлық пен АИТВ-инфекциясының алдын алу мәселелері кеңінен талқыланды. Іс-шараға АИТВ-инфекциясының алдын алу жөніндегі облыстық орталық, Полиция департаменті, Абай облысы бойынша Экономикалық тергеп-тексеру департаменті және «СОЦKZ» қоғамдық қорының өкілдері қатысты.

Ашық форматтағы кездесуде студенттер өздерін қызықтырған сұрақтарын қойып, құқықтық қауіпсіздік, жауапкершілік және салауатты өмір салты туралы маңызды ақпарат алды. Басты мақсат — жастардың заңды құрметтейтін, өз әрекетіне жауапкершілікпен қарайтын және қоғам өміріне белсенді араласатын азамат болып қалыптасуына ықпал ету.