Ақсуат колледжінің студенттерімен кездесу

2026 жылғы 8 қыркүйекте «Ақсуат колледжі» КММ-де «СОЦKZ» қоғамдық қорымен бірлесе отырып, студенттердің денсаулықты сақтау және қауіпсіз мінез-құлыққа байланысты маңызды мәселелер бойынша хабардарлығын арттыруға бағытталған ақпараттық-профилактикалық кездесу өтті.

Абай облысы Облыстық АИТВ-инфекциясының алдын алу орталығының емдеу-профилактика бөлімінің меңгерушісі Н.Мамырбекова АИТВ-инфекциясы, оның жұғу жолдары мен алдын алу шаралары мәселелерін қозғады. Ол студенттерге өз денсаулығына жауапкершілікпен қараудың, қауіпсіз мінез-құлықтың және медициналық көмек пен мамандардың кеңесіне уақтылы жүгінудің маңыздылығын еске салды.

Кездесу барысында жастар арасында есірткі заттарын тұтынудың алдын алуға, сондай-ақ жастардың денсаулығына, оқуына, жеке өміріне және болашағына кері әсерін тигізуі мүмкін қауіп-қатерлерге де ерекше назар аударылды.

Мұндай іс-шаралар жастардың саналы мінез-құлқын қалыптастыруда маңызды рөл атқарады және оларды өмірлік қиын жағдайларда дұрыс шешім қабылдауға бағыттайды.