Ортақ күшпен — АИТВ-инфекциясыз салауатты болашаққа!

Семей қаласында тұрғындардың АИТВ жұқпасы туралы хабардарлығын арттыруға бағытталған профилактикалық акция өтті.

Акция «SocKZ» ҮЕҰ, Абай облысының АИТВ-инфекциясының алдын алу жөніндегі орталығы және қаланың белсенді жастарының қатысуымен ұйымдастырылды.

Акция барысында Семей тұрғындарына АИТВ-ның қалай жұғатыны, одан қорғанудың қандай алдын алу шаралары бар екені және қай жерде тегін әрі құпия түрде АИТВ-ға тестілеуден өтуге болатыны қарапайым тілмен түсіндірілді.

Мұндай кездесулер өте маңызды. Себебі денсаулыққа қамқорлық қорқыныштан емес, дұрыс әрі нақты ақпараттан басталады. АИТВ жұқпасы туралы сенімді ақпарат көбейген сайын, мифтерге, стигмаға және немқұрайлылыққа орын азаяды.

Өзіңізді және жақындарыңызды сақтаңыз. АИТВ-мәртебеңізді білу — денсаулыққа жауапкершілікпен қараудың маңызды қадамы.