Туберкулез және АИТВ мәселелері бойынша кездесу.

2025 жылдың 28 қазанында Семей қаласында «Қазақстанда туберкулезді тоқтату» Ұлттық серіктестігін дамытуды күшейту және Абай облысында туберкулез ауыртпалығын төмендетуге азаматтық қоғамды тарту мақсатында ақпараттық-насихаттық кездесу өтті.

Іс-шараны облыстың Денсаулық сақтау басқармасы, ҚР ДСМ Ұлттық фтизиопульмонология ғылыми орталығы аясындағы ЖИТС, туберкулез және безгекпен күрес жөніндегі жаһандық қор жобасын іске асыру тобы, сондай-ақ «Қазақстандық фтизиопульмонологтар қауымдастығы» ҚҰ ұйымдастырды.

Кеңес аясында өңірде «ТБ тоқтату» Ұлттық серіктестігін дамыту мәселелері қаралып, Абай облысындағы туберкулез бойынша эпидемиологиялық жағдай, ҮЕҰ-ның туберкулез ауыртпалығын азайтудағы рөлі мен үлесі, ауруға шалдыққан пациенттерді әлеуметтік қолдау мәселелері талқыланды.

-«Үкіметтік емес ұйымдармен ынтымақтастық және сыртқы ресурстарды тарту бізге алдын алу шараларының ауқымын кеңейтуге және АИТВ және туберкулезден зардап шеккен адамдарға жан-жақты қолдау көрсетуге мүмкіндік береді», - деп атап өтті А.М. Бегалина.