2025 жылдың 28 қазанында Семей қ. көлік колледжінің студенттеріне «Заң және тәртіп: әділ әрі қауіпсіз қоғамға апарар жол» тақырыбына дәріс өткізілді.

Спикерлер ретінде облыстық АИТВ-инфекциясының алдын алу жөніндегі орталығының дәрігер эпидемиологы А.Дюсембаева, наркологиялық қызмет бөлімінің нарколог дәрігері З.Абулхасенова, Абай облысы ПД есіркі қылмысына қарсы іс-қимыл басқармасының аса маңызды істер жөніндегі аға жедел уәкілі Г.Еспаева сөз сөйледі.

З.Абулхасенова және Г. Еспаева синтетикалық есірткілер, оларды қолданудың салдары, сондай-ақ есірткі құқық бұзушылықтарын жасағаны үшін қылмыстық жауапкершілік туралы айтты.

Іс-шара барысында репродуктивті денсаулық, АИТВ-инфекциясының және жыныстық жолмен берілетін инфекциялардың (ЖЖБИ) алдын алу шаралары қаралды.

Спикерлер жастардың өз денсаулығына жауапкершілікпен қарауын және салауатты өмір салтын ұстанудың маңыздылығын атап өтті.

Студенттер дәріске белсенді қатысып, өзекті сұрақтарға толыққұнды жауап алды.