ҚАЖ мекемелерінде АИТВ-жұқпасының алдын алу мәселелері бойынша ведомствоаралық кеңес

4 наурызда  Абай облысында Денсаулық сақтау басқармасы басшысының орынбасары Саимова А.Ж.-ның төрағалығымен ҚАЖ мекемелеріндегі медициналық қамтамасыз ету мәселелері бойынша ведомствоаралық кеңес өтті.

Кеңеске Абай облыстық АИТВ-инфекциясының алдын алу орталығының басшысы Адилжанов А.Б., Қылмыстық-атқару жүйесі департаменті бастығының орынбасары Конеббаев Т.С., департаменттің жауапты мамандары, Абай облысының прокуроры Кездыкбай А.К., сондай-ақ Семей қаласының №9 емханасының бас дәрігері Альменева Н.С. және Жарма аудандық ауруханасының бас дәрігері Исабеков Е.М. қатысты.

Кездесу барысында қылмыстық-атқару жүйесі мекемелерінде ұсталатын тұлғаларға медициналық көмек көрсетуге қатысты проблемалық мәселелер қаралып, оларды шешу жолдары мен профилактикалық жұмысты жетілдіру шаралары айқындалды.

АИТВ-жұқпасының алдын алуды күшейту және оның ҚАЖ мекемелерінде таралу тәуекелдерін төмендету мақсатында ведомствоаралық өзара іс-қимылдың маңыздылығы атап өтілді.