Абай облысында жастар арасында «Нөлдік дискриминация» акциясы өтті

24 ақпанда Семей қаласындағы политехникалық колледжде АИТВ-жұқпасының алдын алу бойынша «Нөлдік дискриминация» халықаралық күніне орай профилактикалық акция өтті. Акция АИТВ-мен өмір сүретін адамдарға қатысты стигма мен кемсітушілікті төмендетуге бағытталған ақпараттық-профилактикалық жұмыс аясында ұйымдастырылды.

Акция АИТВ-инфекциясының алдын алу жөніндегі облыстық орталықтың мамандары мен «Жас Өмір» жастар денсаулық орталығының бірлесуімен ұйымдастырылды.

Акцияның мақсаты — жастардың АИТВ-жұқпасы туралы хабардарлық деңгейін арттыру, өз денсаулығына жауапкершілікпен қарауды қалыптастыру, сондай-ақ қоғамдағы стигма мен кемсітушіліктің алдын алу.

Акция барысында студенттерге АИТВ-ның берілу жолдары, алдын алу шаралары және уақтылы тестілеудің маңыздылығы туралы ақпарат берілді. 

Мұндай профилактикалық іс-шараларды жастар арасында өткізу АИТВ-жұқпасы мәселелері бойынша білім деңгейін арттыруға және қоғамда толерантты көзқарасты қалыптастыруға ықпал етеді.