Т. Аманов атындағы №16 орта білім беру мектебінде дәріс

2024 жылдың 06 желтоқсан күні облыстық АИТВ-инфекциясының алдын алу орталығының маманы Т. Аманов атындағы №16 орта білім беру мектебінде дәріс оқыды. Дәріс тақырыбы: «АИТВ-инфекциясы және жастар».

Лектор А.С. Дюсембаева 9-10 сынып оқушыларына АИТВ-инфекциясы ұғымымен таныстырды, берілу жолдарымен, АИТВ-инфекциясының пайда болуына әкелетін факторларымен таныстырды. Маман А.С.Дюсембаева АИТВ-инфекциясының негізгі профилактикалық және эпидемияға қарсы шараларымен таныстырды, сонымен қатар жалпы Республикадағы және Абай ауданындағы эпидемиологиялық жағдаймен таныстырды. Оқушыларға ақпараттық бейнероликтер ұсынылып, оң қабылданды.

Дәріс барысында және бейнероликтер көрінісінен кейін оқушылар өздерін қызықтырған сұрақтарын қойып, оларға толық жауаптар алды. Тыңдаушылар денсаулықтарын сақтауға көмектесетін қажетті білім алды.