Семей қ. полиция қызметкерлеріне арналған дәріс

Дәстүрлі түрде 1 желтоқсанда аталып өтетін Дүниежүзілік ЖИТС-ке қарсы күрес күні қарсаңында Абай облысында Ішкі істер министрлігі қызметкерлеріне арналған «АИТВ-ға қарсы күрестегі қиындықтардан – тиімді өзгерістерге» тақырыбында іс-шара өтті.

Үш қалалық ІІБ қызметкерлеріне «АИТВ-инфекциясының алдын алу» тақырыбында дәріс оқылды. Дәрісте АИТВ ұғымы және оның таралу жолдары, Қазақстан Республикасындағы және облыстағы АИТВ-ның эпидемиологиялық жағдайы, және алдын алу шаралары қарастырылды.

Іс-шараның негізгі мақсаты - полиция қызметкерлерінің назарын АИТВ-инфекциясының таралу проблемасына аудару, АИТВ-инфекциясының алдын алудың негізгі шаралары, инфекцияны дер кезінде диагностикалау әдістері туралы ақпарат беру болды.

Полиция қызметкерлері халықтың негізгі топтарымен де жұмыс істейтіндіктен, АИТВ-инфекциясының алдын алу бойынша бірлескен жұмыстарды үйлестіру халықтың, әсіресе жастардың денсаулығын жақсартуға ықпал етеді.