Шүлбі кентіне мониторингтік сапар

7 сәуір күні Абай облыстық АИТВ-инфекциясының алдын алу орталығының мониторингтік тобы құрамында емдеу-алдын алу бөлімшесінің меңгерушісі Мамырбекова Н.Р. және дәрігер-эпидемиолог Потехинская А.В. Шүлбі кентіндегі Облыстық психикалық денсаулық орталығының бөлімшесіне және Шүлбі кентінің дәрігерлік амбулаториясына мониторингтік сапар жасады.

Сапар барысында медицина қызметкерлеріне АИТВ-жұқпасының алдын алу, халықты тексеруді ұйымдастыру және қолданыстағы нормативтік талаптарды сақтау мәселелері бойынша семинарлық сабақ өткізілді.

Кездесу қорытындысы бойынша мамандар алдағы жұмысқа арналған әдістемелік ұсынымдар берді. Мұндай сапарлар жергілікті жерлерде практикалық ұйымдастыру-әдістемелік көмек көрсетуге, сондай-ақ медицина қызметкерлерінің АИТВ-жұқпасының алдын алу мәселелері бойынша кәсіби даярлығын арттыруға ықпал етеді.