«Авиценна» жоғары медициналық колледжы» білім беру мекемесінде дәріс

2024 жылдың 26 ​​қарашасында Облыстық АИТВ-инфекциясының алдын алу орталығының маманы және «Жас асыл» жастар денсаулық орталығының өкілімен бірлесе «Авиценна» колледжінің студенттеріне Дүниежүзілік ЖИТС-ке қарсы күрес күніне арналған дәріс оқыды. Дәріс тақырыбы: «АИТВ-инфекциясы және жастар».

Жастар денсаулық орталығының өкілі А.Ниязбекова АИТВ-инфекциясы ұғымымен таныстырды, берілу жолдарымен, АИТВ-инфекциясының пайда болуына әкелетін факторларымен таныстырды. Маман А.Дюсембаева АИТВ-инфекциясының негізгі профилактикалық және эпидемияға қарсы шараларымен таныстырды, сонымен қатар жалпы Республикадағы және Абай ауданындағы эпидемиологиялық жағдаймен таныстырды. Студенттерге ақпараттық бейнероликтер ұсынылып, оң қабылданды.

Дәріс барысында және бейнероликтер көрінісінен кейін студенттер өздерін қызықтырған сұрақтарын қойып, оларға толық жауаптар алды. Тыңдаушылар денсаулықтарын сақтауға көмектесетін қажетті білім алды.